Лидерство

Сакајќи да се развие и да стане лидер во дејноста, нашиот клиент не‘ ангажираше да развиеме 150 лидери од врвниот и средниот менаџмент (директори, менаџери, раководители и нивни заменици). Интересен податок е дека работевме на развој на целиот менаџмент во организацијата. 

Ова е случај во кој со програмата ,,Основи на менаџмент‘‘ обучивме најголем број на менаџери од иста организација во  Република Македонија. Заедничка стратешка цел со клиентот беше да обезбедиме еднаков трансфер на знаења и вештини кај сите менаџери во исто време и да стимулираме хармонизиран раст во сите области од бизнисот и во сите организациски единици на различни локации во Република Македонија.

Под наше водство во период од 24 месеци 150 менаџери ги развиваа нивните лидерски вештини, развиваа нови практики и решенија, применуваа нови методи и техники на водење и управување, решаваа конкретни проблеми од пракса, иновираа и воведуваа подобрувања во сите области од работата. Во истиот тој период, помеѓу две тренинг сесии, со коучинг и советување на работно место ги водевме додека работеа на практични задачи.

Какви беа резултатите? Освен што менаџерите го развија својот лидерски профил, тие изготвија и спроведоа 270 проекти со кои ги развија организациските единици и перформансите на тимовите со кои управуваа, развија нови производи и услуги за пазарот, стекнаа многу нови купувачи и корисници, ги зголемија приходите и профитот. На овој начин нашата супериорна методологија разви 150 успешни лидери во браншата и на нашиот клиент му помогна да ја оствари стратешката цел – да стане престижен лидер во дејноста. Денес организацијата вработува над 750 професионалци и продолжува да ги зголемува приходите и профитот.

Успехот е резултат од нашата работа и неговото остварување се должи на способноста на врвниот менаџмент и на сопствениците да ги препознаат придобивките од нашата методологија и да ни‘ ја доверат задачата. Овој пример поучува дека за успех секогаш се потребни две страни – едната која дава знаења и вредности и другата која е спремна да учи, да се менува и да расте.  

Ова искуство ја потврдува поуката на Арнолд Х. Гласоу која гласи: ,,Успехот е едноставен. Направете го исправното на правилен начин во вистинско време.‘‘

Кога двете страни имаат исти цели, знаат што треба да прават и се посветени тоа да го направат на вистинскиот начин, успехот е природна последица од нивното правилно дејствување.